Genesis 45
Joseph Kipulak
1Tua ciangin Joseph amah tawh a om khawmte muhna-ah ki-ip zo nawn lo a, “Ka kiangah kuamah omsak kei un!” ci-in awng hi. Joseph a sanggamte tungah a kipulak ciangin a kiangah kuamah dang a om kei hi. 2Amah nak kah lua a, tua Egypt mite in za uh a, Pharaoh inn sunga omte in a thu za uh hi. a 3 Joseph in a sanggamte kiangah, “Kei Joseph ka hi hi! Ka pa a nungta lai hiam?” a ci hi. Ahi hangin amaute a mai-ah laulua uh ahi manin a sanggamte in a dawng thei kei uh hi. 4 Tua ciangin Joseph in a sanggamte kiangah, “Ka kiangah hong neh un,” a ci hi. Amaute in a neh khit uh ciangin, “Na sanggampa uh Joseph, Egypt a na zuakpa uh ka hi hi! 5Tu-in hih lai-a nong zuakna uh hangin lungzing loin kihehsak tuan kei un, bang hang hiam cih leh nuntakna hu dinga note mai-a Pasian hong sawl ka hi hi. 6Ahang in tu-in gam sungah kum nih kialpi tung zo hi. Mailam kum nga sung lo khawhna an lakna a om kei ding hi. 7Ahi hangin Pasian in note mai-ah leitunga a baanglaite ading le na nuntakna uh a lamdangtak-a hu ▼▼45.7 Ahikeh no a thuak lai ding tampite honkhia dingin
dingin kei hong sawl ahi hi. 8 “Tua ahitak ciangin hih lai-ah hong puak no hi loin Pasian ahi hi. Amah in Pharaoh’ pa hong hisak a, ama innkuante’ topa le Egypt gam khempeuh ukpa in hong koih hi. 9Tu-in ka pa kiangah manlangin ciah unla ama kiangah, ‘Na tapa Joseph in: Pasian in Egypt khempeuh topa hong suaksak hi. Ka kiangah hong paisuk un; ziakai kei un. 10Goshen kualah na teng ding uh a, nang, na tate le na tute, na tuuhonte, na bawnghonte - na neih khempeuh uh tawh kei nong naih ding uh hi. 11Tua lai-ah nang kong vak ding hi. Bang hang hiam cih leh kialpi tun ding kum nga in sam lai hi. Tua hi kei leh nang le na innkuanpihte le na neihsate in gentheihna a thuak ding hi,’ ci hi. 12 “Note kianga thugen kei mahmah ka hina note le ka sanggampa Benjamin mahmah in zong a mu hi. 13Egypt a kei thupina teng le na muhsa khempeuh uh ka pa’ kiangah na gen un. Manlangin hih lai-ah ka pa hong paipih pah un,” ci hi. c 14 Tua ciangin a sanggampa Benjamin pumkawi-in kap-a, Benjamin in zong kawi-in kap hi. 15Amah in a sanggamte namin a kah hi. Tua khit ciangin a sanggamte amah tawh kiho uh hi. d 16 Joseph’ sanggamte hong tung uh cih Pharaoh’ inn sungah a kizak ciangin Pharaoh le a ulian khempeuh a lungdam uh hi. 17Pharaoh in Joseph kiangah, “Na sanggamte kiangah, ‘Hih bangin hih un: Na ganhingte uh van suan unla Canaan ah ciah kikin 18na pa le na innkuanpihte kei kiangah hong paipih kik un. Egypt a leitang hoihna pen mun kong pia dinga, leitang hoihna na nopsakpih ding uh hi,’ ci in. e 19 “Amaute na hilh nading hih bang ahi hi, ‘Hih bangin hih un: Na zite, na tate tuan nading Egypt pan leng pawlkhat keng unla, na pa va la-in hong pai un. 20Na neihsate uh ngaihsutin nei kei un, bang hang hiam cih leh Egypt a na hoih pente no aa hi ding hi,’ ci in,” ci hi. 21 Tua ciangin Israel’ tapate in tua mah bangin ahih uh hi. Joseph in Pharaoh thupiaksa bangin amaute lengte pia a, lampi-a a nek ding uh an zong a guan hi. 22Amaute puanthak pia ciat-a, ahi hangin Benjamin ngun shekel ▼▼45.22 Tua pen pound 7 ½ (kilogram 3.5 bang)
za thum le puan khek nga a pia hi. 23Tua ciangin a pa tungah: Egypt gama na hoih pente laa sawm puak khop, laapi sawm puak khop an le anlum le a lam-an ding a khak hi. 24Tua ciangin a sanggamte paikhiasak a, a dinkhiat uh ciangin amaute kiangah, “Lampi-ah kitawng kei un!” ci hi. g 25 Tua ciangin Egypt panin paikhia to uh a, Canaan gama a pa uh kiang tung uh hi. 26Amaute in ama kiangah, “Joseph nungta lai hi! Amah Egypt ukpa na hi takpi hi,” ci-in gen uh hi. Jacob lungsi dedu a, amaute thugen a um kei hi. 27Ahi hangin Joseph in amau tunga a gente ama tungah a gen uh ciang le Joseph in amah puak kik nadinga a khak lengte a muh ciangin a pa uh Jacob lungsim a khanglo hi. 28Tua ciangin Israel in, “Ka taksang ta hi! Ka tapa Joseph nungta lai hi. Ka sih ma-in pai-in amah ka va en ding hi,” ci hi. h
Copyright information for
ZomZIV